X Edición de LUGARES E ÓRGANOS: Memoria silente

A Terceira Orde, lugar de memoria da organaría galega.

Outras paixases. Outros tons da cidade.

O percorrido levaranos do camposanto da Cofradía d Rosario até a Terceira Orde, onde foron soterradas grandes figuras da organaría galega.

Nus dos momentos de máximo esplendor da organaría galega ibérica, a comezos do século XVIII, instálase en Compostela Eugenio GOnzález de Cáceres, un organeiro que dará inicio a unha importante e longa saga familiar. Pai, fillos e neto serán organeiros na Catedral ao longo dun século e, ademáis, realizarán encargas por toda Galicia. Situados na élite da pequena burguesía da cidade, serán membros da Terceira Orde e, en calidade de tales, tres deles serán soterrados na súa igrexa. O mesmo sucederá máis adiante, xa na segunda metade do século XIX, co que foi o último dos organeiros da Catedral, Mariano Tafall, Mais, por mor dun recente descubrimento que será revelado durante a propia andaina, iniaremos a xornada no cemiterio da Cofradía do Rosario, ao carón do convento de San Domingos de Bonaval. O percorrido rematará cun pequeno recital a cargo de Alejandra Escolante (espineta), que interpretará pezas que ambientarán musicalmente a época na que se desenvolveu o traballo destes artesáns.