Bio

Realiza os seus estudos de violín no Conservatorio de Santiago de Compostela (España), cunha bolsa do IGAEM (Instituto Galego das Artes Escénicas e Musicais) para ampliar estudos de posgraduado cos Virtuosos de Moscova e Yuri Nashuskin. Ao mesmo tempo estuda Interpretación histórica na Universidade de Salamanca con Ángel Sampedro, Emilio Moreno e Eduardo López Banzo, formando parte da Orquestra Barroca de Salamanca.

Ao longo da súa carreira foi integrante e colaborador en varios grupos especializados en música antiga e interpretación histórica, como Martín Códax, Grupo 1500, Favola D´Argo, Il Combatimentto ou America Antiga. Desde 2016 é membro fundador do Cuarteto Alicerce, especializado en interpretación histórica da música de cámara de finais do XVIII especialmente da Península Ibérica, co que deu numerosos concertos en España e Portugal.

Foi director da Orquestra de cámara Música Acordada e é colaborador habitual no Festival Internacional de Música Colonial Brasileira e Música Antiga de Brasil, no cal dirixiu musicalmente óperas Il ballo delle ingrate de Claudio Monteverdi e Vendado é amor non é cego de José de Nebra nas edicións de 2017 e 2018. Tamén desenvolveu un intenso labor pedagóxico como profesor de violín na Xoven Orquestra de Galicia, e actualmente é profesor de violín numerario no Conservatorio de Santiago de Compostela.